Shperndaje në Facebook.

Disa kuriozitete të Kupës së Botës, do t’ju habisin!

Kupa e Botës në futboll është një nga ngjarjet e mëdha të këtij viti.

Sa herë që luhet, në çdo katër vjet, ky kompeticion e eklipson botën për disa ditë, duke përqendruar vëmendjen e miliona njerëzve për të ndjekur ndeshje të drejtpërdrejta dhe për të inkurajuar ekipet e tyre.

Këtë vit, Kupa e Botës do të zhvillohet në Rusi, ku do të kurorëzohet një kampion i ri i globit. Për të filluar ngrohjen, ne donim të mblidhnim disa kuriozitete rreth Botërorit, që ju ndoshta nuk i dini. Fundja, merreni si informacion të përgjithshëm, edhe pse dituria nuk ka limit kurrë…

Botërori i parë

Uruguaji ka nderin e të qenit vendi i parë për të pritur Kupën e Botës, në vitin 1930. Të gjitha ndeshjet u luajtën në kryeqytet, Montevideo. Pas kësaj Kupe Bote, pjesa tjetër u luajt në zona të ndryshme të vendit pritës.

Ronaldo Nazario, legjenda

Për të qenë golashënuesi më i mirë në Kupën e Botës është diçka shumë e vështirë, pasi zakonisht nuk ka shumë gola në pjesën dërrmuese të ndeshjeve (fazës finale). Megjithatë, me 15 gola të shënuar në Botërorët e viteve 1998, 2002 dhe 2006, Ronaldo Nazario mban titullin e golashënuesit më të mirë në Botëror.

Ai luajti për dy vende

Kombësia e dyfishtë është lakmuar shumë, në mënyrë që lojtarët më të mirë të mund të luajnë në një vend apo në një tjetër. Gjëja e bukur është se kjo ka ndodhur me Botërorin e parë, në vitin 1930, ku Luis Monti luajti për Kombëtaren Argjentinase. Katër vjet më vonë ai mbante veshur fanellën e Italisë dhe, në të dyja rastet, luajti finalen.

India dhe zakonet e saj

Futbolli nuk luhet apo ndihet i njëjtë në të gjithë botën, por ajo që askush nuk priste ishte që India të refuzonte të luante në Kupën e Botës së vitit 1950, në Brazil, sepse nuk u lejohej të luhej zbathur. Tani askush nuk guxon të dalë në tapetin e gjelbër pa këpucë sporti, madje shumë komode e të lehta.

Ekipi Kombëtar i Spanjës

“La Roja” u krijua në vitin 1920 për të luajtur në Lojrat Olimpike të Belgjikës. Ndeshja e parë në historinë e kombëtares iberike u zhvillua më 28 gusht 1920, kundër Danimarkës, të cilën e fitoi 1-0. Që atëherë, Spanja ka luajtur 681 ndeshje, nëse numërojmë edhe atë kundër Zvicrës, miqësoren e fundit.

 

Shperndaje në Facebook.

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close